UM OKKUR
ILMUR er fjölskyldufyrirtæki sem sérhæfir sig í framleiðslu á kertum og heimilsilmum. Ferðalag okkar hófst árið 2020, Í eldhúsinu okkar í Hafnarfirði þar sem við dunduðum okkur við að gera allskyns tilraunir. Vissulega misheppnuðust margar tilraunir, ónýtir pottar og vax útum allt en með tímanum fullkomnuðum við formúluna okkar sem tryggir að þú fáir bestu upplifunina þegar þú notar vöru frá ILMUR.
HRÁEFNI
Formúlan okkar er vandlega unnin úr sérblöndu af kókos- og apríkósuvaxi og tryggir yfirburða og hreina brennsluupplifun. Vaxið okkar er ekki bara glútenlaust heldur inniheldur það engin eiturefni, parabena eða þalöt. Við trúum því að skapa umhverfi æðruleysis án þess að skaða heilsu þína.
ILMIRNIR OKKAR
Hver ilmur er vandlega valinn til að kalla fram dýrmætar minningar og fanga kjarna augnablika sem þér þykir vænt um. Við notumst einungis við ilmi af hæsta gæðaflokki í vörunum okkar.